Texten up Platt:


Duun in´d Höll

 (Text: Lord Lotzi)

 

1. Geev mien `n Söpke
un `n Buddel Beer dorbi
Un ick bün upsteh
jau, ick bün upsteh

2. Sekt schmeckt as Kattmieg
un Whiskey maakt mi duun
Un ick bün upsteh,
jau, ick bün upsteh

3. `N lecker Folts-Kruiden
is `n Plaster up mien Seel
Un ick bün upsteh,
jau, ick bün upsteh

 

Refrain:
Man, ick hebb dat in`t Luur
de Düvel sitt achter mi an
ick sach hum up Grund van mien Glas
Harrijasses - nee
sett `n Buddel up mien Grafft
un denn vertell:
Nu is he duun in`t Höll

4. `N fein Oll Schwed
un mien Breegen löppt weer liek
Un ick bün upsteh,
jau, ick bün upsteh

5. Jo, geev mien ´n Osbourne
He, Ludwig, schenk een in
Un ick bün upsteh,
jau, ick bün upsteh



Sömmer

 

1. Weetst du noch
vör so vööl Johren
ick weet noch wo verleevt ick in di was

2. Du un ick
een leven lang
ick weet noch dat ick heel mall na di was

Bridge:

Un nu kiek ick taurügg un de Tied treckt vörbi
ick much wall weeten wo Du nu büst
denkst du of un to daaran - geiht di dat nettso as mi disse Sömmer de vergeet ick nooit

 

Refrain:

Heel tomaal
kwamm ji up mi daal
de Sömmer un du ...
Heel toomaal
was ick heel un daal
in `d Sömmer mit di ...

3. Um di to sehn
mit de Rad
van Wybelsum na Twixum elke dag

4. Di beröhren
was sünnerlik
de heele Nachten hebb ick an di docht



Ostfreesen

 

1. Wi sünd groot un klook un bannig stolt
in´t Ostfreesland is dat Noodweer kold
wi weeten wall, well wi sünd
in´t Welt kennt uns all elke Kind

2. Wi drinken Beer un Söpke un Thiele Tee
we eeten Grönkohl mit Pinkel un Karmelkbree
un wenn ick an de Lüü hier denk
Ostfreesland is een groot Geschenk

 

Refrain:
Achtert Diek, so mutt dat wesen
stahn uns Husen, wi sünd Ostfreesen
Auerk, Nörden un Krummhörn
un waar wi sünd, daar is vörn
Vör de Diek, so mutt dat wesen
is de Noordsee, wi sünd Ostfreesen
“Eala, Frya, Fresena“
wi sünd leever dood as Slaav

 

 

3. Uns Land is groot un platt un meestens gröön
 well mörgen kummt kannst du

vandaag all sehn
un deist du mit de Rad een Törn
kummt de heele Tied de Wind van vörn

4. Uns Frauen sünd leev un wies un alltied troo
un wunnermooi sünd se sowieso
wi löven wacker, an Gott sien Wark
un sönndaags mörgens gahnt wi all na´d Karg



Bröörmann

 

1. Güstern was ick even gau bi Hinnerk
wi harren noch so vööl to vertellen
de Lücht was dröög, wi hebben

bietje wat drunken
Tied gung hen un wi beid mussen mit

2. Egentlik wull ick neet so lang bleeven
in´d Lechtworden gung ick dann na Huus
se stunn tomaal för mi up Drüppel
se harr mi in´d Luur, dann fung se an to grölen


Refrain:
Hey Bröörmann,
kummst du so, noch maal in´d Huus
dann sett ick di, dat kannst mi löven,
rut up Straat un vor de Döör

 

Refrain:

Hey Bröörmann,
wat lövst du, well du wall büst
wat to vööl is - is to vööl
ick smiet di rut, un nu klei mi an´d Moors

3. Ick was even noch na´d Sportplatz
mitunner gah ick mien Beenwark traineren
all de annern stunnen daar tosamen
nee, wat kunn de verkonsumeren

4. Ick geev dat tau, ick weit neet wau dat quam
in´d Lechtworden gung ick dann na Huus
se stunn tomaal för mi up Drüppel
se harr mi in´d Luur, dann fung se an to grölen



Wekenenn

 

Refrain:

Wekenenn - nu geiht dat los hier
Hannen hoog - well maakt mit?
Wekenenn - nu is tied to dördreihen
un wi tellen: een - twee - dree - veer…

1. Wekenenn - ick segg di wat
vanavend gahn wi all na´d Stadt
holl up to blarren - vergeet dien Sörgen
disse Nacht höört uns bit anner Mörgen


2. “Geld un Arbeid - dat maakt di blied“
dat seggt min Moder - de heele Tied
Geld is de Düvel - dat weet ick all lang
ick lach hum ut - he maakt mi neet bang
laat uns nu fieren - de Dörst is groot
up uns all - wacht blot de Dood

 

 

3. Hey - ick stah hier vörn
kannst du mi sehn, kannst du mi hören
vannacht sünd wi - de Königen van´d Welt
wi denken neet an´d Arbeit

un wi schieten up dat Geld


4. We trecken los - un maken Schandaal
De Nacht höört uns nu heel un dall
Wi sünd Sünners - ick un all mien Frünnen
in´d Höll betahlen wi naderhand för uns Sünnen
laat uns nu fieren - de Dörst is groot
up uns all - wacht blot de Dood



Twixum

 

1. Ick bin neet groot, ick bin neet stark
bin neet fix, koom neet ut Quark
man ick weet dat heel genau
ok för mi gifft dat een Frau

2. Ick söök de heele tied na hör
up Dörp, in´d Stadt un achter´d Dör
doo ick se finnen denn gah ick ran
d´waas daar dör un proot hör an …


Refrain:
“Ick weet dat is nu to gau
bliffst du hier un worst mien Frau
kummst du bi mi na Twix´um?“


“Villicht is dat een bietje froh
man ick weet dat heel genau
du höörst to mi na Twix´um!“

 

3. Vanmörgen lagg ick in mien Bett
un doch ick bruuk nu internet
denn kann ick parshippen doon
un söök elektrisch na de Frauen

 

 

 

 

4. Bi Aldi hebb ick hör nu sehn
bi´d Köhlschaap stunn se heel alleen
ick sleek sacht an her ran
greep hör Hann, denn fung ick an …

 

Refrain ...


5.
Se streek min Hann un keek mi an
oh nee, de Frau se was een Mann
he see: “Vanavend hebb ick Tied“
ick lööv de was van anner Sied

6.
Ick geev to - dat leep mal
ick söök wieder schieteengaal
doo ick se finnen denn gah ick ran
d´waas daar dör un proot hör an …


Refrain ...



Gah up Sied

1.
Ick gah in´t Stadt - is Saterdag
ick stüür na´t Disco hen
de Fent an´t Dörr - twee Meter groot
he let mi daar neet rin
dat Blood stiggt mi heel sacht to Kopp
ick stell mi vör hum hen
mien Nöös de is in sien Gesicht
denn segg ick tegen hum:

Ref:
He - ooh, He - eeh - ooh
Gah mi ut Padd - anners gifft dat wat
He - ooh, He - eeh - ooh
Hool up mit Schiet - un gah up Sied
He - ooh, He - eeh - ooh
Worr neet frech - un gah ut Weg
He - ooh, He - eeh - ooh
Gah mi ut Patt - anners gifft dat wat
Du geihst nu beter - up Sied

 

 

 

2.
Kört vöör Acht - ick hebb noch Dörst
ick stüür na´t Köhlschapp hen
de is leeg - keen Beer in´t Huus
ick loop to Lidi hen
de Koopmann makt de Dören dicht
ick stell mi vör hum hen
mien Nöös de is in sien Gesicht
denn segg ick tegen hum:

3.
Ich fahr up Straat - mit heel vööl Gas
de Boom hebb ick neet sehn
veer Engels brengen mi na boven
de Himmels-Döör is dicht
daarvör steiht Petrus mit de Schlödels
ick stell mi vör hum hen
mien Nöös de is in sien Gesicht
denn segg ick tegen hum:



Kontakt:

meyermusik@web.de